‏پرویزمشرف لیبل والی اشاعتیں دکھا رہا ہے۔ سبھی اشاعتیں دکھائیں
‏پرویزمشرف لیبل والی اشاعتیں دکھا رہا ہے۔ سبھی اشاعتیں دکھائیں

منگل، 8 نومبر، 2016

ایم کیو ایم پاکستان  کے رہنما  خواجہ اظہار الحسن کی دبئی میں پرویز مشرف سے ملاقات

ایم کیو ایم پاکستان کے رہنما خواجہ اظہار الحسن کی دبئی میں پرویز مشرف سے ملاقات

دبئی / کراچی (نیوز ڈیسک) ایم کیوایم پاکستان کے مرکزی رہنما اور سندھ اسمبلی میں قائد حزب اختلاف خواجہ اظہارالحسن  آج دبئی میں سابق صدر جنرل ریٹائرڈ پرویز مشرف سے ملاقات کی ہے، ملاقات میں  کئی اہم امور پر تبادلہ خیال کیا گیا ہے۔

خواجہ اظہارالحسن اورسابق صدرجنرل ریٹائرڈ پرویزمشرف  کے درمیان  بانی ایم کیو ایم  الطاف حسین کی 22 اگست کی تقریرکے بعد کراچی کی سیاسی صورتحال پر بات چیت کی گئی، اس موقع پر خواجہ اظہار نے پرویز مشرف سے مختلف معاملات میں صلح مشورے بھی لئے۔

ترجمان ایم کیو ایم کی جانب سے جاری بیان میں کہا گیا ہے کہ دبئی میں خواجہ اظہار الحسن کی مشترکہ دوستوں کے ہمراہ کھانے پر پرویز مشرف سے ملاقات ہوئی،  ملاقات میں کراچی کی ترقی اور مقامی حکومتوں کے نمائندوں کے اختیارات کے حوالے سے تبادلہ خیال ہوا،  پرویزمشرف کی اپنی الگ سیاسی جماعت ہے اور ایم کیوایم ایک علیحدہ سیاسی جماعت ہے، کسی بھی سیاسی جماعت سے سیاسی اتحاد زیر غور نہیں جب کہ مختلف قیاس آرائیوں کی سختی سے تردید کرتے ہیں۔

بدھ، 16 مارچ، 2016

مشرف اب کہیں بھی جانے کے لئے آزاد ہوگئے، بیرون ملک بھی جاسکتے ہیں

مشرف اب کہیں بھی جانے کے لئے آزاد ہوگئے، بیرون ملک بھی جاسکتے ہیں


اسلام آباد (اردو وائس پاکستان 16 مارچ 2016) وفاقی حکومت کی مشرف کا نام ای سی ایل سے نہ نکالنے کی اپیل مسترد کرتے ہوئے ملک کی اعلیٰ عدلیہ نے آج پرویز مشرف کو بیرون ملک سفر کی اجازت دے دی ہے۔ عدالت نے سندھ ہائی کورٹ کے فیصلے کو برقرار رکھتے ہوئے مشرف کا نام ای سی ایل سے نکالنے کا اصولی فیصلہ کیا۔ اپنے مختصر فیصلے میں سپریم کورٹ نے سندھ ہائی کورٹ کے فیصلے کو انصاف پر مبنی قرار دیتے ہوئے اسے برقرار رکھا۔ سندھ ہائی کورٹ نے 12 جون 2014 کو سابق صدر پرویز مشرف کا نام ای سی ایل سے نکالنے کا حکم دیا تھا۔

مشرف نے 2014 میں دبئی میں مقیم اپنی بیمار والدہ کی عیادت کے لئے جانا تھا۔ انہیں اجازت نہیں ملی تھی۔ ان کے حریفوں نے کہا تھا مشرف واپس نہیں آئیں گے کیونکہ ان کے خلاف کیسز چل رہے ہیں۔ تاہم 2014 سے مشرف کراچی میں اپنی بیٹی کے گھر رہ رہے ہیں جہاں وہ نزدیکی پاکستان نیوی کے ہسپتال میں علاج بھی کروارہے ہیں۔ مشرف جنوری 2014 سے بیمار ہیں انہیں کئی مرتبہ ہارٹ کا مسئلہ پیش آیا ہے۔ ڈاکٹروں نے انہیں بیرون علاج کرانے کا مشورہ دیا ہے۔



پیر، 29 فروری، 2016

سلمان تاثیر کے خاندان کوانصاف مل گیا۔ مشرف

سلمان تاثیر کے خاندان کوانصاف مل گیا۔ مشرف


کراچی (اردو وائس پاکستان مانیٹرنگ ڈیسک) سابق گورنر سلمان تاثیر کے قاتل ممتاز قادری کو سزائے موت دیئے جانے پر اپنے فیس بک بیج پرسابق آرمی چیف اور صدر پاکستان پرویز مشرف لکھتےہیں کہ اب انصاف ہوگیا۔ انہون نے کہا ہے کہ سلمان تاثیر کے خاندان کو کچھ ذہنی سکون مل گیا کہ انصاف آخر ہوکر رہ گیا۔ 

لکھتے ہیں کہ ایک تکثیری اسلامی معاشرے میں جہاں ہم اپنی خواہش کے مطابق کچھ بننے کی کوشش کرسکتے ہیں وہاں تشدد اور عدم برداشت کی کوئی گنجائش نہیں۔ یہاں مسئلہ توہین رسالت کے قوانین کا کوئی نہیں لیکن ان کے اطلاق، بے جا فائدہ لینے اور غلط استعمال کا ہے۔